KORONADAL CITY – May tikang na nga ginadihon ang City sang Koronadal angot sa serye sang pagpangluthang sa nakaligad nga adlaw.
Sa esklusibo nga interbyu sang Bombo Radyo Koronadal kay Mayor Eleordo Ogena, ginpahayag sini nga maka-angkon sang inventory sa mga CCTV Footages sa mga dalanon sa syudad agud nga mahibaluan kun may mga CCTV Cameras nga daan na kag guba.
Sa sini suno pa nga paagi, sarang nga maislan ang mga wala nagafunction nga CCTV Cameras agud nga makabulig ilabi na sa pagpatigayon sang imbestigasyon kun may mga kasubong nga krimen nga matabo sa syudad.
Kaangot sini, ginpahayag sang alkalde nga maka-angkon sang pagsinapol kaupod ang PNP kag iban pa nga opisyal sa syudad agud masekyar ang security plans sa syudad.
Ini kasunod man sa nagluntad nga kaso sang pagpangluthang-patay sa mag-amay nga Togonon sa Brgy GPS kag ang pinaka-ulihi amo ang pagtiro sa duha ka tawo sa Brgy. Zone 3 nga ginkilala kanday Manny Alvarez Diaz, budol-budol suspect kag ang nagpiyansa sa iya nga si Violebeth Guialudin.
Sa karon, ginpahayag man sang alkalde nga on top of the situation ang Koronadal PNP sa mga nagaluntad nga mga insidente sang pagpangluthang.
