KORONADAL CITY – Kasamtangan na subong nga ginatutokan sang Koronadal PNP ang organisado nga grupo sang mga scammers nga nagahimo sang mga pagpanunto kun sa diin kalakip diri ang pila ka matag-as nga mga opisyal.
Sa interbyu sang Bombo Radyo kay Koronadal PNP chief of police Lt. Col. Joefel Siason, ginpahayag sini nga ginabantayan nila subong ang nasambit nga organisado nga grupo kun sa diin naulamid man diri ang mga kababayehan nga may kahimoan sang nagkalain-lain nga paagi sang pagpanunto.
Nahibaloan man sa opisyal nga magluwas sa mga babaye nga miyembro sang nasambit nga grupo, ila man nga ginaberipikar ang impormasyon nga may mga empleyado sang gobyerno, abugado kag iban pa nga mga opisyal ang naulamid sa nasambit nga scam, rason nga ginakabig nila ini nga isa ka dako nga sindikato.
Panawagan sini sa mga biktima nga iduso ang pagsang-at sang kaso nga syndicated estafa agud mapanabat ang mga responsable sa ila pagpanunto.
