Sa padayon nga pagsaulog sang Semana Santa, nangin generally peaceful ang kahimtangan sang Koronadal City, kun sa diin nagpalapta ang mga pwersa sang kapulisan sa iban-iban nga lugar agud masiguro ang kalinong kag katawhay sa siyudad.
Suno kay Joy Placer, ang City Traffic Management division sang Koronadal sa interview sang Bombo Radyo Koronadal, nagpanguna ang mga otoridad sa pag-monitor sang seguridad sa mga simbahan, kag mga pampubliko nga lugar.
Ini nga mga tikang nagatuyo nga malikawan ang bisan ano nga trahedya kag masiguro ang hapsay nga selebrasyon sang Semana Santa.
Ang mga lokal nga pwersa sang kapulisan, nagahimo sang regular nga checkpoints kag nagapalapta sang mga personnel sa mga komunidad.
Dungan sini, nag-apelar man ang mga otoridad sa publiko nga magpabilin nga alerto kag mag-report sa mga kahina-hinala nga aktibidad.
Ginpabugal man ni Placer nga ang kahimtangan sang seguridad sa siyudad amo ang resulta sang kooperasyon sang publiko kag sang mga law enforcement agencies, nga naghatag siguro sang malipayong kag matawhay nga selebrasyon sang Semana Santa sa Koronadal
