KORONADAL CITY – “Wala sang kidnapping sa Koronadal ” ini ang nangin pagpaathag ni Koronadal CPS Chief of Police PLTCol. Hoover Antonio makaligad ang pagpaathag sa publiko sang duha ka partido nga imbolbado sa issue sang gina-alegar nga pagpangidnap sa bahin sang Purok Rizal, Barangay San Jose, Koronadal City sang naglabay nga gab-e Enero 20, 2025 sa diin naathagan naman nga may ara sang miscommunication sa bahin sang driver sang van nga tuyo man lang kuntani nga sawayon ang bata sang naga bike sa dalanon sa tion sang gab-e kag sa ginikanan nga tuyo man lang proteheran ang iya nga kabataan sa kun anu man nga mga butang labi pa sa mga naga data nga modus sang pila ka mga sindikato sa pungsod.
Dugang pa sang hepe, bangud maathag naman ang tanan, ginakabig niya nga wala sa kidnaping Koronadal bangud man sa madamo nga kapulisan nga naga luyong sa syudad kag na deploy man agud nga pangalagaran ang mga residente sa syudad.
Kadungan sini, nagpaalinton man ini sa tanan nga maghalung sa pagpost sa social media kag ugalion nga hibaluon ang tanan nga anggulo sang panghitabo antes magpost agud nga malikawan ang paglapta kag paglapnag sang sala nga balita ukon “Fake News”.
