KORONADAL CITY – Nag paaliton sa subong ang pamunuan sang Koronadal City Veterinarian nga halungan kag bantayan ang mga hinuptan nga mga ido sa sulod sang panimalay sa tion sang magahod kag magansal nga pagsugata sang bag-ong tuig kag paskua bangud mahimo nga magka-anxiety ang mga ini tuga sang mga mabaskog nga palupok sang mga naga sinadya kadungan sa mga selebrasyon.
Ini ang nangin pahayag ni Dr. Charlemagne Calo- Koronadal City Veterinarian sa interview sang Bombo Radyo Koronadal. Suno sa iya, mahimo nga magpanic ukon magka-anxiety ang mga ido bangud tuman suno pa ka sensitive ang mga talinga sang mga ini kabangdanan nga naga palanago ang mga ini sa tion sang mga mabaskog nga pagsigabong sa tion sang paskua kag pagsug-alaw sang bag-ong tuig.
Dugang pa sini, mahimo nga e-apply ang “wrap around method ” sa diin gina bendahan ang mga ini agud nga indi magkurog kag magsala. Mahimo man nga pabay-an ang mga ini nga mag panago sa idalom sang mga katre ang mga ini bangud nga nahadlok ang mga ini sa ila nga mabatian.
Nagapanawagan man ang doktor nga importante nga intendihon ang mga kasapatan bangud nakulbaan man ang mga ini sang mabaskog nga mga lupok sa tion sang kasadyahan sang mga tawo nga ara sa palibot.
