Padayon ang pag deploy sang mga city traffic personnel sa subong nga maga selebrar sang hinugyaw festival 2026.
Ini ang nangin pahayag ni Joy Placer – Koronadal City Traffic Maanagement Division Head, sa interview sang Bombo Radyo Koronadal.
Suno kay Placer, kaangot sa pagselebrar sang Hinugyaw Festival 2026 sa syudad ang hugot nga pag-implementar sang mga polisiya para sa mga motorista nga luyag magpadul-ong sa nasambit nga selebrasyon.
Ginpahayag man niya nga padayon ang monitoring kag pagbantay sang ila mga tao sa mga dalanon sa palibot sang Alunan Avenue kag Rizal Park agud masiguro ang kaluwasan kag seguridad sang mga magbisita kag magatambong sa Hinugyaw Festival 2026.
Nagpanawagan man si Placer sa katawhan kag sa mga maotorista nga maghalong kag magsunod sa mga regulasyon agud malikawan ang mga disgrasya sa dalanon kag masadya ang pagselebrar sa nasambit nga selebrasyon sa syudad sang Koronadal.
