KORONADAL CITY- Ginakabig na nga isa ka emerhensiya ang Garbage Crisis sa syudad sang Koronadal.
Ini ang ginpahayag ni Koronadal City Vice Mayor Eleordo Ogena.
Ini matapos ang pila ka mga reklamo may kaangtanan sa nagalapta kag pagtambak sang mga basura sa palibot sang syudad.
Suno sa Bise Alkalde nagadapat nga magbuligay ang tanan sa paglimpyu sang palibot kag himuon ang responsibilidad sa pagsegregate sang mga ini kag ang maayo nga pagdispose antes ang pagdako sang problema.
Nagpanawagan naman ang Bise Alkalde kay Mayor Peter Miguel sa paghimo sang aksyon sa nasambit nga isyu pinaagi sa pagsupervise sang mga Barangay Chairman sang tagsa ka Barangay subong man sa City Environment and Natural Resources Office (CENRO).
Samtang sa pihak nga bahin, nakafile naman ang tanan nga myembro sang SP sang ila nga counter-affidavit sa Ombudsman may kaangtanan sa kaso sang RA 9003 ukon paglapas sa Solid Waste Management Program.
