KORONADAL CITY – Gin-ako ni Koronadal City Mayor elect Eliordo Ogena nga may lapses ukon kawad-an sang aksyon ang mga lokal nga opisyal kun ngaa nagdamo ang nabiktima sa iligal nga operasyon sang Kabus Padatuon ukon KAPA investment scam sa syudad.
Sa interbyu sang Bombo Radyo Koronadal kay Ogena, ginpahayag sini nga dapat nga sadto pa nag-aksyunan ang LGU agud indi na magdamo pa ang mga naganyat ni Joel Apolinario.
Aminado man ang incoming Mayor nga mangin ang mga staff sini ang nagdonar man sa KAPA bangud sa return of investment.
Kaangot sini, nagpalab-ot sang kabalaka ang alklade nga indi na mabawi pa sang mga investors ang ila nga kwarta bangud ang ila nga ginpirmahan ang donason lamang.
Apang nagalaum man si Ogena nga mapanabat ang mga opisyal sang KAPA sa pagtunto sa nilibo ka pumuluyo sa pagpanguna ni Apolinario.
Kadungan sini, ginpasiguro man ni Ogena nga sundon ang mandato halin sa DILG nnga indi paghatag sang permit ukon e-revoke ang permit nga ginhatag na sang city licensing office sa KAPA kag iban pa nga negosyo ukon establisyemento nga affiliated sa nasambit nga grupo.
