Ginpuri ni Vice President kag Prime Minister sang United Arab Emirates (UAE) nga si Sheikh Mohammed bin Rashid Al Maktoum ang komunidad sang mga Pilipino bangod sa ila indi matangtang nga kontribusyon sa Emirati society.
Suno sa Dubai ruler, ang mga Pilipino may maayo nga pamatasan, ilabi na sa pagka-“civil kag gentle.”
Ginpasalamatan ni Pangulong Marcos ang UAE government sa pagbaton sa mga Pilipino nga nagpili nga magtrabaho sa ila nasyon.
Sa tambong nila ni Pangulong Marcos kag Sheik Mohammed, ginpasalig sini ang commitment sang Pilipinas sa pag-ayos sa mga isyu sa dagat paagi sa rule of law kag suno sa mga international agreements pareho sang United Nations Convention on the Law of the Sea (UNCLOS).
Ginpasidunggan ni Sheik Mohammed ang pagpanindugan sang Pilipinas nga magpabilin ang kalinong kag economic stability sa rehiyon.
Nagpromisa man ang Dubai ruler nga palig-onon pa ang trade and investment ties sang duha ka nasyon agud mapadali ang economic development, innovation kag sustainability sang duha ka nasyon.
