KORONADAL CITY- Nagapanawagan sa subong ang election watchdog nga Kontra Daya kay Sen. Imee Marcos nga mag biya ukon mag inhibit sa iya nga posisyon bilang isa ka Chairperson sang Commitee on Election Reform bangud sa maathag na nga conflict of interest sini.
Ini ang nangin panawagan ni Professor Danilo Arao, Convenor sang Kontra Daya sa interview sang Bombo Radyo Koronadal.
Suno sa iya indi dapat nga magpungko si Sen. Imee Marcos sa amu nga komitiba bangud makita gid nga may interest kay bangud isa ang iya nga utod nga si Presidential Aspirant Bong-Bong Marcos sa mga magapadalagan sa pinakamataas nga posisyon sa Pilipinas.
Dugang pa sini, mas maayo nga ipa-iway anay ni Sen.Imee ang pagpaguwa sang mga pahayag kag itugyan na lamang sa iban ang pag desider sa amu nga komitiba.
Nahibaluan nga una na nga gin pahayag sang Senadora nga may nagluntad suno nga isa ka serious breach sa sensitibo nga impormasyon sa diin mahimo nga makabalabag sa integridad sang piniliay.
