KORONADAL CITY– Nagapadayon ang imbestigasyon sang Tacurong City PNP sa nagluntad nga pagpangluthang sa isa ka kasal nga ginhiwat sa isa ka restaurant sa Brgy. Calean, Tacurong Sultan Kudarat.
Sa interbyu sang Bombo Radyo Koronadal kay Police Supt. Rannie Hachuela, hepe sang Tacurong City PNP, target sang pagpangluthang ang isa sa mga nagtambong sa kasal nga si Datu Abdullah Sangki Maguindanao Municipal Councilor Narhasin Malaguia Ulangkaya, 28 anyos nga residente sang DAS, Maguindanao.
Dugang pa sini nga kritikal man ang isa pa nga naulamid sa pagpangluthang nga si Norma Dalatin Karatuan, 52 anyos sang Mangudadatu, Maguindanao.
Nagpakuno-kuno suno pa nga bisita ang suspek kun sa diin samtang nagatindog ang biktima ginpaulanan ini sang bala nga nag-angkon sang 3 ka gunshot wounds sa pila ka bahin sang iya lawas.
Narekober sa crime scene ang cal. 45 nga armas luthang.
Sa subong ginahibalo pa sang kapulisan ang motibo sa nasambit nga pagpangluthang sa municipal councilor
