KORONADAL CITY- Nagpatigayon sang emergency meeting ang LGU sang Isulan kaupod ang PNP kag militar kag iban pa nga concerned agencies makaligad ang panibag-o nga bombing incident kagab-i sa LizTer James Internet Cafe sa Valdez st. Brgy. Kalawag 2, Isulan Sultan Kudarat nga ginapatay sang 2 na kag ginkapilas sang yara sa 13 ka iban pa nga kadamuan mga kabataan.
Sa ekslusibo nga interbyu sang Bombo Radyo Koronadal kay Isulan Mayor Marites Pallasigue, nagpatigayon na sila sang emergency meeting kun sa diin bag-o nga Special Investigation Task Group ang magatutok sa panibag-o nga pagpamomba.
Sa karun suspendido ang mga klase sa tanan nga lebel kag magapabilin ini samtang wala pa mabalik sa normal ang sitwasyon sa nasambit nga banwa kag nagdeploy naman sang mga tangke de giyera sa entry kag exit points sang nasambit nga banwa.
Samtang sa pihak nga bahin, gintal-usan na ang hepe sang Isulan PNP nga si Police Inspector Celestino Daniel kag sa karun si PSupt. Junie Buenacos na ang bag-o nga chief of police sang nasambit nga banwa samtang ang maga tal-os naman kay Sultan Kudarat Police Provincial Director PSSupt. Noel Kinazo amuh si PSSupt. Reynaldo Felestino.
