KORONADAL CITY – Temporaryo nga ginsuspender ang klase sa tanan nga lebel pribado man ukon pribado bangud sa nabatyagan nga Magnitude 5.9 nga linog sang nakaligad nga gabi.
Ini ang ginpahayag ni Anne Mary Obido sang LGU Kadingilan sa ekslusibo nga interbyu sang Bombo Radyo Koronadal.
Suno kay Obido, ginmando sang LGU Government sang Kadingilan ang suspension of classess agud nga hatagan sang ligwa ang pagpatigayon sang assessment sa mga apektado nga mga classrooms.
Samtang, wala naman ginsuspender ang trabaho sa ila nga banwa bangud magabulig man ang pila ka mga empleyado sa assessment sang nagkalain-lain nga edifesyo nga naka-angkon sang litik bangud sa linog.
Sa subong, gin-abisuhan na nila ang mga pumuluyo nga mangin kalmado kag indi magpanic agud nga malikawan ang mga casualties kun maka-angkon pa sang mabaskog nga aftershocks.
Nahibaluan nga una na nga naka-angkon sang Mag. 4.3 nga linog ang Kadingilan sang Sabado nga adlaw nga ginsundan sang Mag 5.9 nga linog sang Lunes sang gabi.
