KORONADAL CITY– Ginakahadlukan nga madugangan pa ang numero sang mga bakwit sa nagapadayon nga kinagamo sa tunga sang grupo nanday Kumander Jawon Sindatoc kag Kumander Datu Andap sang Moro Islamic Liberation Front o MILF bangud sa rido ukon away sang ila mga angkan sa Sitio Madap, Brgy. Madia sa banwa sang Datu Saudi Ampatuan, Maguindanao.
Sa interbyu sang Bombo Radyo Koronadal kay Army Captain Arvin John Encinas, tagpamaba sang 6th Infantry Division Philippine Army, padayon ang panawagan nila sang bulig para sa masobra 900 nga mga bakwit nga kasamtangan nga yara sa mga evacuation centers nga ginakulang sa mga pagkaon, malimpyo nga tubig kag bayo.
Dugang pa sini nga kanselado man ang mga klase ilabi na sa Brgy. Madia kun sa diin ang mga buluthuan ang ginpa-in anay sa mga bakwit nga naipit sa kinagamo.
Sa subong mas ginpahugtan pa ang monitoring bangud sa pagdugang pwersa sang duha ka grupo.
Kaangot sini, padayon ang pagrescue sang militar sa pila pa ka mga residente nga naipit sa kinagamo kun sa diin kadamuan amuh ang mga tigulang kag mga kabataan.
