Klase ginsuspender matapos ma-posses ang halos 20 estudyante sa Sto Nino, SoCot

KORONADAL CITY– Ginsuspender ang klase kaina sang aga sa isa ka eskwelahan sa banwa sang Sto Niño, South Cotabato matapos nga masudlan sang malain nga espiritu ang mga estudyante.

Sa nangin interbyu sang Bombo Radyo Koronadal kay Wilfredo Baluardo, Principal sang Sto Niño National School of Arts and Trade, yara sa halos 20 ka mga estudyante ang na-posses matapos ang ginpatigayon nga flag raising ceremony kaina sang aga.

Suno kay Baluardo, ini na ang ikaduha nga tion nga natabo ang nasambit nga insidente.

Kaangot sini, nagpatigayon sang misa ang buluthuan kag ginpabendisyunan ang tanan nga mga classrooms.

Sa subong, ginpasiguro man ni Baluardo nga may ginahimo na sila nga paagi agud indi na masulit pa ang nasambit nga hitabo.