KORONADAL CITY- Ginpasiguro sang Bangsamoro Transition Authority nga makaangkon sang tingog kag patas nga gahum ang mga kababaihan sa idalom sang Bangsamoro Government.
Nahibaluan nga kadungan sang International Women’s Month subong nga adlaw nagpanawagan ang pila ka advocates of women’s rights nga mas pabaskugon pa ang gender equality sa bag-o gintukod nga Bangsamoro Autonomous Region in Muslim Mindanao o BARMM kag dapat kakason ang anuman nga porma sang diskriminasyon batuk sa kababaihan sang Bangsamoro.
Dugang pa sini nga luwas sa political participation, nagakadapat nga atleast 40% sang Bangsamoro Council of Leaders ang mga kababaihan.
Luwas pa dire, nagakadapat nga ipatuman ang hugot nga proteksyon kag kinamatarong sang mga kababaihan kag makaangkon sang special development program kag laye nga magaprotehir sa mga ini.
Suno naman kay Bangsamoro Transition Commission chair Ghadzali Jaafar, makalaum nga sa idalom sang Bangsamoro Government mapasiguro nga may yara sang transitional justice mechanisms nga magapatuman sang patas kag inclusive nga laye anuman ang kredo disabilidad, sekswalidad ukon etnisidad kun sa diin isa sa mga posible nga matukod sa BARMM amuh ang Regional Commission on Women in the Bangsamoro.
