Nagahatag sang reaksyon ang isa ka residente sya syudad sang Koronadal may kaangtanan sa nagapadayon nga imbestigasyon sang anomalya nga Flood control project sa pungsod sang Pilipinas.
Sa interview sang Bombo Radyo Koronadal kay Marilyn Labrador, residente sa syudad sang Koronadal. Suno kay Labrador, nagabalik-balik nalang ang iysu sang anomalya nga flood control project nga daw wala na sang katapusan ang nasambit nga isyu.
Dugang pa kay Labrador, dapat nga mahatagan gid sang hustisya ang nasambit nga isyu kay bangud indi lang isa ang may kahimoan sang korapsyon kundi madamo pa nga iban pa.
Gindugang pa ni Labrador, nga wala na siya nagalantaw kung pwede na ang budget sa sini nga 2026 nga ginpirmahan sang Presidente bangod nga nadula na ang iya nga pag salig sa grabi nga kadako nga kantidad ang nadula sang 2025.
Nagpanawagan naman si Labrador, sa mga yara sa gobyerno nga kuntani mabuligan pa ang mga nagakinahanglan pareho sang mga mangunguma kag dapat mahimo gid ang ila nga trabaho bangod nga nagasalig ang mga katawhan sa ila.
