KORONADAL CITY– Subong nga pasado na ang extension sang Martial Law declaration sa Mindanao, dapat sa gihapon nga obserbaran ini bangud sa mga advantage kag disadvantage sang martial law.
Ini ang nangin reaksiyon ni Koronadal City Vice Mayor Atty. Eleordo Ogena sa interbyu sang Bombo Radyo matapos ang nangin mainit nga debate sa joint session sang mataas kag manubo nga panalgan sang kongreso.
Suno kay Atty. Ogena dapat nga mag obserbar ang mga tawo sa mga nagakalanabo sa palibot kag kun tuod ngamasolusyunan na ang kinagamo sa Marawi City.
Samtang ginpahayag sang bise alkalde nga ang rehabilitation kag reconstruction ang nakit-an sini nga rason kun ngaa ginpangayo ni Pangulong Rodrigo Duterte ang extension sa Martial law tubtub Disyembre 31.
Sa pihak nga bahin, indi naman suno pa klaro ang nangin pahayag sang presidente kun ano ang sakop sang rehabilitation sang Marawi City bangud makit-an nga halos tanan sang puluy-an ang ginguba sang kinagamo kag halos wala na sang kinalain sa Iraq.
