KORONADAL CITY – Gilayon nga ginlubong ang masobra 20 kls nga karne sang baboy nga nakumpiskar sang joint monitoring kag inspection team sang LGU kag NMIS Region 12 sa banwa sang Polomolok, South Cotabato.
Ini makaligad makumpirmar nga “unfit for human consumption” ang mga ini.
Suno kay NMIS-12 Regional Director Myrna Habacon, ini ang may kaangtanan sa nagapadayon nga inspection nga ila ginahiwat sa mga public market, meat shop kag mga lechon houses sa bug-os nga rehiyon bangud sa napagkit nga kaso sang African Swinwe Fever sa syudad sang Koronadal sang nanligad lamang.
Gin insister man ni Habacon nga kihahanglan tumanon sang mga meat vendors ang nakabutang sa RA 9296 nga gamando sa mga nagabaligya sang karne nga nagpaidalom sa Ante Mortem kag Post Mortem inspection ilabi na ang mga slaughterhouses.
Tinutuyo sini nga masiguro nga maayo ang mga karne sang baboy nga ginabaligya sa mga palengke kag iban pa nga lugar sa Rehiyon 12.
