KORONADAL CITY– Malipayon nga ginbalita sang alkalde sa banwa sang Sto. Niño, South Cotabato nga si Mayor Pablo Matinong nga makaligad ang halos duha ka dekada bilang kilala nga drug den ang Barangay Ambalgan, Sto. Niño, South Cotabato sa bug-os nga pungsod posible na ini nga madeklarar nga drug cleared Barangay.
Sa interbyu sang Bombo Radyo Koronadal kay Mayor Matinong, ginkumpirmar sini nga nagpasa na sang Barangay Resolution #12-2017 ang Punong Barangay nga si Kapitan Taba Ambalgan sa talatapan sang Philippine Drugs Enforcement Agency okun PDEA 12 kag ginahulat na lamang nga matapos ang ila assessment agud pormal na nga madeklarar bilang drug cleared ang Ambalgan, South Cotabato.
Madumduman nga ang Barangay Ambalgan ang nakilala nga drug den indi lamang sa probinsya sang South Cotabato bangud sa asud-asud nga drugs operation nga kasubong nag indi mahubsan sang supply sang droga.
Nangin magahod man ang Ambalgan matapos nga ginbansagan ini nga “shabu capital of the South” bangud pila ka administrasyon na ang naglabay kag aminado nga nabudlayan sa pagtapna sa iligal nga droga sa lugar bangud ini suno pa ang ginahimo nga bagsakan sang droga.
Una sini, ginatawag sang PDEA 12 Director ang Barangay Captain sang nasambit nga Barangay nga isa ini ka incompetent Barangay official bangud sa pihak sang sang war against drugs sang subong nga administrasyon nangin rampant sa gihapon ang droga sa lugar kag wala suno pa sang ginhimo ang Barangay Council.
