Ginkalipay sang Gilas Pilipinas ang pag-ayo na ni 2-time UAAP men’s basketball Most Valuable Player Kevin Quiambao.
Ginkumpirma ni Gilas assistant coach Richard del Rosario, nga makaupod na si Quiambao sa ila nga exhibition game nga paglunsar sa Doha sa palaabuton nga Pebrero.
Magalab-ot ini sa pungsod halin sa Korea sa Pebrero 12 kag makaupod hubon sa biyahe pakadto sa Doha sa Pebrero 13.
Pagahimuon ang exhibition game sa Doha halin sa Pebrero 14 tubtob 16 kung sa diin maka-atubang nila ang host country nga Qatar, Lebanon kag Egypt.
Ang nasambit nga hampang ang bilang preprasyon sang para sa third window sang FIBA Asia Cup Qualifiers kun sa diin maka-atubang nila ang Taiwan sa Pebrero 20 tubtob ang New Zealand man sa palaabuton nga Pebrero 23.
Madumduman nga nagakabalaka ang Gilas matapos nga nakapagkit sang right ankle injury si Quiambao sa iya nga hampang.
