-- ADVERTISEMENT --
Nakatalana nga i-trade sang Phoenix Suns si 15-time All-Star forward Kevin Durant pakadtu sa Houston Rockets.
Kabaylo sini, makuha naman sang Suns sanday Jalen Green, guard-forward Dillon Brooks, kag ang number 10 pick sa 2025 draft.
Ginsiling sang two-time NBA Finals Most Valuable Player nga excited na man siya nga mabaylo sa Rockets.
Naghambal man siya sang paghanga sa performance sang Houston sa sini nga season kag sa leadership sang ila team.
Nagasalig siya nga mangin maayo nga dugang siya sa nasambit nga team.
Ang Rockets nagtapos sa ikaduha nga pinakamaayo nga record sa Western Conference nga may 52 ka daog kag 30 ka pildi, kundiin napaslawan sila sa first round sang playoffs batok sa Golden State Warriors.
