Ginhingyo sang abogado ni anay Presidente Rodrigo Duterte, nga si Nicholas Kaufman, ang iya mga supporters nga magpabilin nga mapisan kag malinong sa pagpakita sang ila paghigugma sa anay pangulo.
Suno sa iya, nagabaton sila sang mga mensahe halin sa mga supporters kag man sang mga nagaakusar ukon nagaakig bahin sa pagkaarestar ni Duterte sang International Criminal Court.
Ginpahayag man niya nga sang Marso 11, nga anibersaryo sang isa ka tuig sang pagkaarestar sang anay presidente, nakabaton sila sang madamo nga mensahe halin sa iya mga supporters.
Sa palaabuton nga Marso 28, iselebrar ni Duterte ang iya ika-81 nga kaadlawan, kag ginpahamtang ni Kaufman ang pagdasig sa mga supporters nga himuon ini nga adlaw nga indi malimtan.
Ginapahanumdom nga naarestar ang anay presidente bangud sang iya pagpanguna sa “war on drugs” samtang mayor pa siya sa Davao City kag sang nagin presidente sang pungsod.
