KORONADAL CITY – Ginkadismaya sang City Traffic Mangement Head sang Koronadal ang pagkaaresto sang isa ka katapo sang traffic enforcer sa ginlunsar nga Drug Buy-bust operation sang PDEA South Cotabato Provincial Office Purok Mangga, Barangay Zone 1, Koronadal City, South Cotabato.
Sa interbyu sang Bombo Radyo Koronadal kay Mr. Joy Placer ang Head sang City Traffic Mangement Office , gin-ako sini ang nadakpan sang mga awtoridad ang 42-anyos nga akusado nga si Jomar Toreta Sumagaysay alyas “Tati”, single, kag residente sang Barangay GPS, Koronadal City, South Cotabatokag isa ka traffic enforcer sang LGU sang Koronadal City.
Nakuha sa suspek ang lima (5) ka pakete sang gina hinala nga shabu nga may estimated street value na Php 20,500.00.
Magapangatubang ang suspek sa kaso sang paglabag sang Section 5 and 11, Article II of RA 9165 o Comprehensive Dangerous Drugs Act of 2002.
Sa karon, ginpahayag sang opisyal nga iya na paga siguraduhon nga maga-agi sa drug testing ang mga traffic enforcers, kag antes pa man ini nadakpan– mandato naman sa ila nga talatapan ang pag monitor sa mga traffic enforcers kung ang mga ini ang negatibo o positibo sa ilegal nga druga.
Gindugang pa sang opisyal nga indi na maliwat pa ang ini nga panghilitabo ilabi pa nga ang mga traffic enforcers ang may dako man nga paeel/ responsibilidad sa siyudad.
