Wala suno pa sang may namonitor ang kasundaluhan nga mga foreigner nga nagabulig ukon naga-supply sang suporta sa mga local terrorist group sa pungsod.
Ini ang nangnin pahayag ni Lt. Col. Roden Orbon, ang spokesperson sang 6th Infantry Division sang Philippine Army, sa isa ka interview sang Bombo Radyo Koronadal.
Suno kay Orbon, nagapadayon ang pagnubo sang presensya kag pwersa sang mga local terrorist groups sa area sang Mindanao, partikular na ang mga miyembro sang Bangsamoro Islamic Freedom Fighters (BIFF) kag sang Daulah Islamiyah.
Suno man saiya niya nga madamo na sang mga miyembro sang amo nga mga grupo ang nadakpan, nagsungka, ukon napatay sa mga operasyon sang militar.
Isa man sa mga nagresulta sini amo ang kabudlayan sang mga grupo nga makapang-recruit sang bag-o nga miyembro, pati na man ang kakulang sang armas kag logistics.
Dugang pa ni Orbon, ang padayon nga military operations nga ginapatigayon sang kasundaluhan sa nagkalain-lain nga lugar sang Mindanao amo ang isa sa mga nagapanguna nga rason sa pagbuhin sang manpower kag firepower sang mga terrosista.
Sa karon, wala pa sang narecord ukon nabaton nga impormasyon ang kasundaluhan parte sa presensya sang mga foreigner nga aktibo nga nagasuporta ukon nagabulig sa mga local terrorist groups.
Gina-awhag niya man ang katawhan nga magbulig kag magkooperar sa kasuldaduhan ilabi na kung may mga maka-duluda nga mga tawo ukon grupo ila ini igasugid sa mga otoridad.
