KORONADAL CITY – Bukas ang pamunuan sang 6ID Philippine Army sa pagpatigayon sang Peace Covenant sa tanan nga mga kandidato sa palaabuton nga midterm kag BARMM Parliamentary Election nga yara sa sulod sang Area of Responsibility sang mga ini ang ginpahayag ni LtCol Roden Orbon- Tigmaba sang 6ID Philippine Army sa interview sang Bombo Radyo Koronadal.
Suno sa opisyal, nagapabilin nga bukas ang ila nga pamunuan sa tanan nga mga kandidato sa pagpatigayon sang tanan nga security measures kag labi na ang istorya pangkalinong sa ila nga lugar.
Ginpahayag man ini nga dako ang mabulig sang pagpatigayon sang peace covenant sa tunga sang mga kandidato agud nga masiguro ang malinong kag patas nga pamaagi sang mga ini agud mangin madinalag-on ang piniliay.
Gindugang pa sang opisyal nga isa man ini sa mga mechanismo nga naistoryahan sang mga otoridad agud nga iduso ang paghili-usa ka tunga sang mga kandidato kag mga supporters sang mga ini.
Sa subong, may inisyal na nga mga diskusyon ang mga otoridad sa mga peace covenant pila ka bulan antes paman ang campaign period kag ang adlaw sang piniliay
