KORONADAL CITY-Makabig na nga alarming ang kaso sang pagpanghikog sa probisnya sang South Cotabato.
Ini ang base sa ginpaguwa nga datus sang Police Provincial Office sang South Cotabato nga nagalab-ot na sa 21 humalin sang Enero 1 tubtub lamang hunyo 20.
Nakapagkit diri nga may yara sang nagkalain-lain nga rason ang pagpanghikog nga ginalakipan sang family problems, napaslawan sa paghigugma,mental problems, kapigaduhon kag iban pa.
Suno sa Mental Health Department sang Integrated Public Health office sang South Cotabato nga sa ginpasa nga datus sa ila nga talatapan kadam-an sa gihapon nga nagahikog ang mga kalalakihan.
Nahibaluan nga sang nagligad nga tuig 2016 may yara sang kabug-usan nga 19 ang naghikog sa probinsya nga ginalakipan sang 13 ka kalalakihan kag 6 nga kababaihan.
