KORONADAL CITY-Aminado sa subong ang Commission on Human Rights nga may mga kaso na sila nga ginatutukan angot sa operasyon sang mga kapulisan sa Rehiyon sa diin masami nga mapatay ang mga menor de edad sa diin gina-alegar ang mga ini nga naga palag suno pa sa raiding team.
Ini ang nangin pahayag ni Atty. Keysie Gomez,OIC-Regional Director sang CHR-12 sa interview sang Bombo Radyo Koronadal.
Suno sa Director,ginatutukan na nila sa subong sang ang pila ka mga kaso sang operasyon sang otoridad sa diin maulamid ang menor de edad kag masakit pa diri, makaangkon pa ang mga ini sang madamo nga igo sang bala halin sa sang mga armas-luthang sang mga kapulisan.
Dugang pa sini, kulukasubong nga parehas lang ang pamaagi ukon scenarios sang operasyon sa diin magaserbi sang warrant of arrest ang mga kapulisan apang ma-uli lamang sang pagbato sang mga suspek kag mapatay.
Madumduman nga ang pinakabag-o nga kaso sa subong sa pagkaulamid sang isa ka menor de edad kag napatay ini sa operasyon sang otoridad sa bahin sang Sitio Ebenezer , Brgy. Rang-ay, banwa sang Banga, South Cotabato apang indi ini ang target sang mga otoridad.
