Magluwas sa balatian nga Covid-1 ginabulubantayan man sa subong nga mga tinion sang Lokal nga Banwa sang Surallah South ang kaso sang balatian nga Dungue.
Sandig sa pahayag ni Surallah Municipal Disaster Risk and Management Officer Leonardo Ballon sa interview sang Bombo Radyo Koronadal kag base man sa datos sang Municipal Epidemiology and Surveillance Unit (MESU) sang Municipal Health Office (MHO) sang Surallah nakapagkit na sang 27 ka kaso sang Dengue ang Brgy. Libertad samtang 17 naman ang sa Brgy. Buenavista nga ginpa-idalom sa state of Calamity.
Dugang pa sang opisyal, wala man naga kalipat nga magpa-alinton ang lokal nga gobyerno sang Surallah sa tanan nga mga components barangay para maalerto ang mga pumuluyo sa halit sang Dengue kag ginaganyat gid ang tanan nga mangin responsable sa pagpanglimpyo sa ila nga ugsaran.
Sa kasamtangan, pila pa ka mga barangay sang banwa sang Surallah ang ginabantayan man bangud may mga kaso naman sa mga ini sa barangay Centrala (10), Tubi-Ala , Dajay (4), Talahik (4), Lambontong (3), Moloy (3), Colongulo (2), Canahay (2), Naci (2), Little Baguio (1), Upper Sepaka (1) kag barangay Veterans (1).
Sa kasamtangan, nakapagkit na sang kabug-usan nga 85 nga confirmed dengue cases sa banwa sang Surallah..
