-- ADVERTISEMENT --
Nagapangasubo ang singer-actress nga si Karylle Marquez bangud sa pagtaliwan sang iya amay nga si Modesto Tatlonghari.
Sa social media account sang singer, iya ginbahagi ang balita kag naghingyo sang pangamuyo.
Nagpost man ini sang litrato upod ang amay kag wala pa naghatag sang rason sang pagtaliwan sini.
Sa subong nakahaya ang iya amay sa Santurio De San Jose Parish sa Greenhills, Mandaluyong.
Ang amay ni Karylle amo ang anay nga bana sang singer nga si Zsa Zsa Padilla.
Nahibaluan nga nagpalab-ot naman sang kasubo kag simpatiya ang mga kaupod niya sa industriya pagkatapos nga mahibaluan ang balita.
