Patay ang isa ka 21-anyos matapos nga mabanggan sang BMW 1300 bigbike sa Crossing New Cebu, Poblacion, Makilala, Cotabato.
Ini ang ginkumpirmar ni PCMSgt. Ritchie Gesulga sang Makilala MPS sa interview sang Bombo Radyo Koronadal.
Ginkilala ni Gesulga ang biktima sanday Francis John “Bibong” Albete kag ang utod sini nga si Viva Albete nga angkas sa Raider Motorcycle nga lunsay residente sang Sitio Crusher, Patulangon, Malasila, Makilala.
Ang suspek naman si Wilson Lu nga taga Davao City.
Suno kay Gesulga, nagluntad ang aksidente sa atubangan sang simbahan sang nadulaan sang kontrol ang driver sang bigbike, amo rason nga nagtabog ang dalawa kag naka-agom sang pilas nga gintunaan man sang pagkapatay ni Francis John “Bibong” Albete bangud sa kakusog sang impact sa pagka-bangga samtang, padayon man ang pagpaayo sang utod sini nga yara sa kritikal nga kondisyon.
Dugang pa ni Gesulga, madasig suno pa ang pag padalagan ni Lu pati man ang mga kaupdanan sini nga nakasakay sa Bigbike.
Pagapasakaan naman sang kaso nga Reckless Imprudence Resulting to Homicide and Physical Injury ang si Lu.
Nagapanawagan naman si Gesulga sa tanan, nga mangin mahalong agud malikawan ang mga aksidente.
