Ginkaalarma sang kapulisan sa subong ang serye sang kasami nga pag ka imbulbar sang mga kabataan sa rambol sa syudad.
Ini ang gin pahayag ni Police Captain Ralph Marvin Rivera, Spokesperson sang Koronadal City PNP sa interview sang Bombo Radyo Koronadal
Suno kay Rivera, duha ka separado nga insidente sang rambolanay ang nag luntad particularmente sa isa ka kilala nga ilimnan diri sa syudad.
Suno man sa iya, isa sa rason sang gin tunaan sang pag inaway sa isa ka kilala nga ilimnan amo ang indi pag intindihanay sang mga grupo sang mga kabataan.
Dugang pa niya yara sa implowensya sang maka hulubong ga ilimnun ang mga ini, nga nangin rason man snag ila pag inaway.
Gin pahayag man niya nga kadam-anan sa mga kabataan sa subong naga intra na sa mga pag inum inum.
Nag pa alintun man si Rivera sa mga pumuluyo nga dapat i report sang madason sa mga awtoridad kung may mag luntad man nga mag insidente.
Sa subong padayon man ang pag bantay sang atun mga awtoridad sa anuman nga insidente nga pwede mag luntad ilabi an diri sa atun nga syudad.
