KORONADAL CITY- Gina istoryahan subong sa Bangsamoro Autonomous Region in Muslim Mindanao ukon BARMM kun tigayon na naman nga igabalhin ang Provincial Capitol sang Maguindanao sa Shariff Aguak, Maguindanao sa lugar kun sa diin naghalin ang mga nagdaog nga gobernador sang Maguindanao nga si Bai Mariam Mangudadatu makaligad sini nga ginlutos ang iya himata nga si Mangudadatu, Maguindanao Mayor Freddie Mangudadatu sa nagtakop nga May 13, 2019 midterm elections.
Suno kay elected Governor Bai Mariam, desidido ini nga ibalik ang kapitolyo sang Maguindanao sa Shariff Aguak kag indi suno pa dapat sa Buluan, Maguindanao kun sa diin bag-o lamang ginpatukod ang multi-million provincial White House nga nagahilapoit na nga magtakop.
Kun madumduman sang 2016 sang nagdaog si Maguindanao Gov. Emael “Toto” Mangudadatu, ginbalhin sini ang kapitolyo halin sa Shariff Aguak nga balwarte sang ila hugot nga kasumpong sa pulitika nga mga Ampatuan padulong sa iya hometown nga Buluan.
Nahibaluan nga si Bai Mariam ang kaalyado sang mga Ampatuan.
Si Bai Mariam ang bag-o nga gobernadora sang Maguindanao samtang ang bana sini nga si Suharto “Teng” Mangudadatu ang gobernador naman sang Sultan Kudarat makaligad magretiro sa pulitika ang amay nga si former Gov. Pax Mangudadatu.
Nahibaluan nga ang mga anay kapitolyo sang Maguindanao ang ginahimo nga kampo sang militar.Top
