Nagpaathag si Punong Barangay Terrence Ehimplar nga kinahanglan implementar ang road clearing operation sa Barangay Topland, Koronadal City bilang pagsunod sa layi. Ini may kaangtanan sa mga reklamo sang mga stall owners nga naga baligya sa higad sang dalan sang nasambit nga barangay.
Sa interview sang Bombo Radyo Korondal kay Punong Barangay Terrence Ehimplar sang Barangay Topland, Ginpahayag sini nga sa pila ka tuig nga naga padala sila sang sulat sa mga stallowners subong nila gina pahibalo nga kinahanglan na nila nga mag himos na bangud ipatigayon gid ang road clearing operation.
Dugang pa kay Ehimplar, sa mga stallowners nga apektado sang road clearing operation igabalhin sila sa Topland public market kag didto sila mag patukod sang ila mga pwesto kag mag baligya.
Ginpahayag ni Ehimplar nga indi na suno pa siya mag-tolerate sang mali nga mga hilikuton agud nga mapatuman sang hilway nga dalanon para sa masunod nga henerasyon.
Samtang, Kahapon nga adlaw naman sang Lunes, Nobyembre 10,2025. Nagpatigayon naman sang meeting sa tunga sang mga stall owners kag kay Kapitan Ehimplar para sa pag paklaro sa nasambit nga isyu.
Madumdoman nga nagpadulong pa sa waragwagan sang Bombo Radyo Korondal ang mga pipila ka mga stall owners kag nag pa butyag sang ila mga reklamo bangud sila ang gina pahalin sa ila mga pwesto kag dako suno pa ini nga ekpekto sa ila pangabuhian.
