Indi magnubo sa 89 ka indibidwal ang nagapabilin nga missing , matapos ang makamamatay nga baha sa Eastern Spain.
Suno kay Prime Minister Pedro Sanchez, naglab-ot sa $11.6 bilyon ang ginpain nga pondo para sa mga nabiktima sang pagbaha.
Ginpahayag sang Superior Court of Justice sang Valencia Region, nga ang nasambit nga report ang ginalakipan lamang sang mga nadula nga indibidwal sa diin ang pamilya mismo naghatag sang personal nga impormasyon, apang suno pa sa natungdan mahimo pa nga magdamo ang mga kaso sang missing nga wala pa marehistro ang detalye.
Dugang pa, kapin sa 200 ka tawo ang kumpirmado nga napatay pagkatapos sang makusog nga ulan sang nagligad nga semana nga nagtuga sang pag-awas sang mga alagyan sang tubig.
Sa karon, indi magnubo sa 217 ka tawo ang napatay sa Valencia, Castile-La Mancha kag Andalusia, apang 133 pa lamang ang nakilala tubtob subong.
