KORONADAL CITY – Yara na sa luwas nga kahimtangan ang 16 ka mga empleyado sang pila ka pribado nga kumbyohan sa siyudad sang Koronadal kasunod sang mabaskog nga magnitude 5 nga aftershock nga nabatyagan kahapon nga adlaw.
Una sini, gindangat sa South Cotabato Provincial Hospital ang mga empleyado sang KCC kag Unitop makaligad nakaeksperyensiyar sang hyperventilation kag anxiety attack.
Ginkilala ang mga biktima nga sanday Prenchie Bamboa, Aileen Mae Danieles, Gladys Enjuales, Aileen Sansalona, Ma. Daina Samkil, Michelle Geguinto, Miriam Quiriones, Annie Alinsod, Stephanie Gonzaga, Catherine Robles, Lovelyn Roque, Jazel Antones, Rizelle Apalas, Johanie Dandogen, Pia Raniulin, kag Rose Getalan.
Suno kay PDRRMO Operations and Warning Officer Rolly Aquino, na-discharge na ang kadam-an sa ila makaligad gindangat sa balay bulolngan.
Apela man sini nga indi paglahog-lahogan ang mga aftershocks kag dapat magpabilin nga kalmado kun liwat mabatyagan ang mga pagtay-og.
Sa pihak nga bahin nagapadayon man ang damage assessment sa Brgy. Poblacion sa banwa sang Tupi makaligad nagkalatumba ang pila ka puno tuga sang mabaskog nga hangin.
Suno kay Aquino, ila pa nga ginahibalo kun pila ang napagkit nga damyos kag kun may mga napilasan diri ukon napatay sa nasambit nga insidente.
