-- ADVERTISEMENT --
KORONADAL CITY – Nagapangatubang subong sa kaso nga paglapas sa RA 9165 ukon Comprehensive Dangerous Drugs Act of 2002 ang kapid nga mag-utod makaligad madakpan sa ginpatigayon nga drug buy-bust operation sa Tacurong City.
Base sa report sang Tacurong PNP, ginkilala ni PNP-12 regional director Brigadier General Eliseo Tam Rasco ang mga suspek nga sanday Oniv Ville at Oliver Vino, lunsay 21 anyos kag residente sang Abadella Subdivision, Brgy. Poblacion.
Nakumpiska naman sa kapid ang walo ka sachet sang ginapatihan nga shabu nga nagabalor sang P4,000 lakip na ang P500 marked money.
Sa subong napreso na ang mga suspek sa Tacurong PNP detention cell.
