KORONADAL CITY– Dismayado ang mga miyembro sang Kapa-Community Ministry International Inc nga wala namensyunar ni President Rodrigo Duterte sa iya ika-apat nga State of the Nation Address ang angot sa plano sini nga operasyon sang KAPA.
Nahibaluan nga antes pa man ang SONA nagpagwa na sang pahayag ang pila ka mga coordinators sang KAPA nga lauman suno pa sang mga miyembro sang KAPA nga sa SONA sang presidente mamensyunar sini ang plano sa ila nga investment group kag mahatagan na sila sang pahanugot nga makasugod liwat sang ila operasyon subong nga Hulyo 23, 2019 apang napaslawan na naman liwat ang mga miyembro bangud sa fake news nga ginpalapta sang kampo sang KAPA.
Madumduman nga kahapon wala suno pa sila nagdayon sa plano nga hublag protesta kadungan sang SONA bangud sa posibilidad nga makapalala lamang sa sitwasyon.
Sa karon mas nagdamo ang dismayado nga mga miyembro nga nagapanawagan kay KAPA founder Joel Apolinario kag mga kaupdanan sini nga magsungka na lamang agud mabalik ang ila mga kwarta.
