KORONADAL CITY- Nagpaandam subong ang South Cotabato PNP sa pagpanguna ni Police Colonel Joel Limson, Police Provincial Director batok sa mga frontliners sang KAPA kag iban pa nga investment scams nga padayon sa pagpangganyat sa publiko apisar ginpasarado na kag nagpagwa na sang stoppage order ang korte batuk sa iligal nga operasyon sang mga ini.
Sa interbyu sang Bombo Radyo Koronadal kay Col. Limson nga padayon ang ila monitoring sa hulag sang mga affiliates sang KAPA nga nagapadayon sa paghatag sang sala nga impormasyon agud nga makaganyat ang mga miyembro kag maglaum nga makabalik pa ang ila aktibidad ilabi na sa pag invest sang kwarta.
Aminado man si Col. Limson nga base sa ila monitoring madamo pa ang natontohan kag padayon nga nagalaum nga makakuha pa sang kwarta halin sa nasambit nga investment scam.
Sa pihak sini, ginpasiguro man ni Col. Limson nga wala sang transaksyon angot sa kwarta ang nagakatabo subong sa KAPA, wala sang pay-out bangud nakafreeze ang mga kwarta kag assets sini luwas na lamang sa posible nga mga kwarta nga yara sa nagapanago nga founder sini nga si Joel Apolinario kag asawa nga si Reyna Apolinario.
Kaangot sini ginpaandaman ni Limson ang mga frontliners nga padayon sa pagpanonto nga magapanabat ang mga ini sa laye
