KORONADAL CITY- Padayon sa gihapon ang pagpakatig-a ni Kabus Padatuon ukon KAPA founder Joel Apolinario nga magpakita na kag atubangon ang mga kaso na ginsang-at sa iya sang National Bureau of Investigation kag Securities and Exchange Commission mangin man sang akig nga mga biktima sang gintukod sini nga investment scam.
Sa ginpagwa nga pahayag sang KAPA founder, gin insister sini nga seryoso suno pa ang pamahog sa iya nga kabuhi rason nga indi sa gihapon ini maga pakita sa publiko.
Bangus sa pahayag sang KAPA founder mas akig kag dismayado na ang kadamuan sa mga miyembro nga nagalaum sa promisa sini nga magabukas sila liwat sa pihak sang crack down nga ginkinasa sang National Bureau of Investigation ukon NBI, Philippine National Police ukon PNP kag Securities and Exchange Commission ukon SEC sa iligal nga operasyon sang grupo.
Gin insister man ni Apolinario nga mas prayoridad sini subong ang pag preserba sa iya kabuhi kaysa sa pagbalik sang kwarta sang mga biktima.
Liwat naman sini gin awhag ang mga miyembro nga indi siya pagpasakaan sang kaso.
