KORONADAL CITY- Liwat naman nga nagpaguwa sang video ang Kabus Padatuon investment scam founder nga si Joel Apolinario para sa iya mga miyembro nga nagapanawagan na naman sa pagpatigayon sang synchronize prayer rally.
Sa duha ka minuto nga video nga ginpagwa sang KAPA founder, nagpaahayag ini nga sa karun naka freeze ang tanan na kwarta kag assets nga napangalan sa iya kag sa iya asawa nga si Reyna Apolinario makaligad ang crackdown sang gobyerno batuk sa iligal nga operasyon sang KAPA.
Sa karun aminado ang KAPA founder nga wala na ini sang solusyon kun paano mabalik ang kwarta sang mga miyembro sang KAPA nga nag invest sang ila kwarta kag pangamuyo na lamang suno pa ang ila mahimo.
Dugang pa sini nga gin ako man sini nga siya ang kasamtangan nga nagapanago bangud sa pamahog suno pa sa iya nga kabuhi.
Nahibaluan nga una na nga gintawag nga continuing crime ang ginahimo sang KAPA nga nagalipod sa relihiyon agud makaganyat sang madamo nga mga investors apang Deed of Donation an ginapirmahan agud wala sang lagas ang mgabiktma.
Pila ka KAPA victims naman kasubong ni alyas Mildres nga nag invest sang P500,000 ang nagpanawagan nga atubangon na lang ni Apolinario ang mga miyembro kag ibalik ang mga kwarta kun matuod nga legal ini, dapat iplastar man ang iya mga dokumento.
