KORONADAL CITY – Ginkumpirmar sang Armed Forces of the Philippines sa Presidential Task Force on Media Security (PTFoMS) nga ginasapupo suno pa sang New People’s Party ang suspek sa pagpatay sa station manager sang isa ka FM station sa Kidapawan City.
Ini ang ginpalab-ot nga impormasyon sang talatapan sang AFP public affairs office sa PTFoMS kun sa diin nagatago suno pa ang suspek nga si Dante Encarnacion Tabusares alyas Bong Encarnacion sa North Cotabato.
Si Encarnacion ang ginatudlo nga suspek sa pagpatay sa station manager sang Brigada News Kidapawan station manager Eduardo Dizon.
Suno sa AFP, nagpalagyo suno pa si Encarnacion pakadto sa NPA bilang isa ka desperate attempt agud malikawan nga maarestar makaligad ginpaguwa ang arrest warrant batok sa iya.
Kun madumdoman, ginluthang-patay sang riding in tandem suspects si Dizon samtang pauli na ini sa Makilala.
Ini bangud sa mga maisog nga komentaryo sini sa KAPA, kun sa diin local coordinator sa nasambit nga investment scam si Encarnacion.
