KORONADAL CITY – Ginkoronahan ang pambato sang siyudad sang Koronadal sa ginpatigayon nga Mutya ng South Cotabato 2018.
Nag-uyog ang South Cotabato Gym and Cultural Center sa sininggitan sang mga supporters sang mga maanyag nga mga lin-ay sang kada representante sang kumbyohan kag lugar sang probinsya sang South Cotabato.
Gin-angan-anganan man ang kada sabat sang top 5 finalist sa pamangkot kun ano ang ila pilion: kalinong nga wala sang pag-umwad ukon pag-umwad nga may kinagamo.
Mas nagdako pa ang pressure sang mga naglantaw sang gin-anunsyar ang mga nagdaog sa nasambit nga pageant.
Nakuha ni Marela Glospeah Juaman ang korona kun sa diin nakabaton ini sang P20,000 nga premyo kagt gift packs nga nagabalor sang P25,000.
Samtang, 1st runner-up si Alayyza Izzabelle Tolimao sang banwa sang upi; 2nd runner-up si Louella Argelyn Rodriguez sang Tribal Mining Corporation; 3rd runner-up si Kiarrah Villegas sang banwa sang Banga; kag 4th runner-up naman si Desire Patrocinio sang South Cotabato Chamber of Commerce and Foundation, Inc.
