Kampo sang ISIS inspired group sa Polomolok, South Cotabato nasakop sang mga otoridad, alleged IED kag ISIS flag narekober

KORONADAL CITY-Nasakop sang militar kampo sang ISIS inspired group sa Brgy. Lapu, Polomolok, South Cotabato sa ginpatigayon nga operasyon sang Regional Mobile Force Battalion 12.

Sa impormasyon sang mga otoridad, target sang operasyon ang lider nga si Jeofrrey Tuanadatu Nilong sang Ansar al-Khilafah Philippines apang nakapalagyo ini sa operasyon kaupod ang iban pa nga mga kaupdanan sini.

Narekober sa ila nga kampo ang 2 alleged Improvised Explosive Device, components sa paghimo sang bomba, ISIS flag kag iban pa.

Sa karun padayon pa nga ginalagas sang mga otoridad ang mga rebelde nga gna angot man sa mga kinagamo sa lugar.