Nagsumiter sang counter-affidavit ang kampo ni Pastor Apollo Quiboloy, founder sang Kingdom of Jesus Christ (KOJC), kag sang iya mga kaupod batok sa kaso nga sedisyon kag pag-aghat sa sedisyon nga ginsampa sa ila sang Department of Justice.
Suno kay Atty. Israelito Torreon, abogado ni Quiboloy, nga sang nagligad nga mga hearing, ginsumiter na nila ang ila counter affidavit.
Lakip si Torreon sa mga respondents, kag ang iban naman nga mga co-respondents sini nagsumiter man sang ila counter-affidavits.
Madumduman nga Sang Oktubre, ginsampa ni Police Brigadier General Nicolas Torre III, acting director sang Criminal Investigation and Detection Group (CIDG), ang reklamo kag gin-isyu ang warrant of arrest batok kay Quiboloy.
May kaangtanan ini sa pagsumiter sang warrant kay Quiboloy sang Agosto sa KOJC compound sa Davao City.
Lakip sa mga respondents sanday Lorraine Badoy kag Jeffrey Celis, mga broadcast personalities sang Sonshine Media Network International (SMNI), kag ang vlogger nga si Banat By.
Sa pihak nga bahin, ginpahayag ni Celis nga wala siya nagsiling sang malain batok sa gobyerno kag ginpresentar lang niya ang mga impormasyon nga ginhatag sa iya.
