Wala untat ang operasyon batok sa illegal drugs diri sa Siyudad sang Koronadal, upod ang bug-os nga suporta sang katawhan kag kapulisan.
Ginapalapad ang mga programa kag aktibidad nga nagatuyo nga mapunggan ang paglapta sang ilegal nga droga sa komunidad.
Ini ang nagin pahayag ni Police LtCol. Peter Pinalgan Jr., COP Koronadal City PNP sa interbyu sang bombo radyo Koronadal.
Suno kay Pinalgan, padayon ang ila pag-monitor kag pagpatrolya sa mga lugar nga ginakabig vulnerable sa illegal drug activities.
Ginahimo ini upod ang aktibo nga partisipasyon sang mga barangay officials kag mga residente bilang kabahin sang community engagement.
Ang mga barangay stations diri sa Koronadal nagapanguna sa paghatag sang impormasyon kag pag-edukar sa katawhan parte sa kahalugan sang vigilance.
Ginapahanumdom sang kapulisan ang tanan nga pumuluyo nga maging alerto kag indi magpabaya kon may makita sila nga kahina-hinala nga tawo ukon aktibidad gilayon nga ireport madason sa kapulisan.
Ginasuportahan ang pag-report sang mga suspetsado sa kapulisan agud madali nga matapna kag masolbar ang mga kaso sang illegal drug use kag kalakalan.
Ginapasalig sang kapulisan kag lokal nga gobyerno nga magapadayon ang ila bug-os nga effort, upod ang katawhan, sa pagproteher sang Koronadal kontra sa ilegal nga droga.
