KORONADAL CITY – Mas ginpahugtan pa subong sang mga otoridad ang kampanya batok sa mga loose firearms sa probinsiya sang South Cotabato labi pa nga naga hilapit na ang midterm elections
Ini ang makaligad nga ginsungka sa mga otoridad ang yara sa 91 ka mga armasluthang sa nagkalain-lain nga bahin sang South Cotabato.
Suno kay PCol. Samuel Cadungon, provincial director sang South Cotabato ang nasambit nga mga surrendered firearms ang subject sa firearm demilitarization.
Dugang pa ni Cadungon indi lamang taga South Cotabato ang boluntaryo nga nagsungka sang ial nga mga armas luthan kundi mangin man ang iban ng mga indibidwal nagikan sa mga kaiping nga mga kaprobinsiyahanan.
Dako man ang pagpati ni Cadungon nga bangud sa hugot nga pagpatuman sang probinsiya sang Enhanced Comprehensive Local Integration Program o ECLIP kabangdanan nga naganyat ang kadam-an nga isungka ang ginahupot nga mga armas sang mga ini.
Lakip sa mga ginsungka nga mga armasluthan amu ang mga orignal manufactured, homemade kag mga genuine firearms
Nahibaluan ang mga armasluthan ang may equivalent nga mga balor nga igahatag sa indibidwal nga bulontaryo nga magahatag sang mga ini sa mga otoridad.
Sa subong, padayon ang panawagan sang mga opisyal sa mga armado nga grupo nga padayon nga naga tago ang ila nga mga armasluthang nga isungka ang mga ini kag mangin kabahin sang kampanya sang gobyerno nga punggan ang anu man ng amga kalakasan.
