Gintagaan ligwa sang Department of Information and Communications Technology (DICT) nga padayon ang kampanya nila batok sa illigal nga online gambling.
Suno kay DICT Secretary Henry Aguda, masobra 8,000 iligal nga websites na ang na-shutdown antes pa mag-weekend.
Ginabantayan man sang DICT ang mga e-wallet providers agud masiguro nga nakakas na nila ang mga link kag icon sang illegal nga gambling sa ila nga apps.
Ginpahayag ni Aguda nga nagsunod lang ang mga e-wallet providers sa direktiba sang Bangko Sentral.
Sa karon gina-monitor sang DICT ang pagsunod sang mga ini sa mga palasundon.
Nahibal-an sang DICT nga ang pila ka mga imbolbar sa online gambling ang nagbalhin na sa Telegram.
Padayon man ang pagbantay sang DICT agud matapna na ang palapnag sang iligal nga online sugal sa pungsod.
