KORONADAL CITY- Dako nga pagmapahog sa pagtibusok sang ekonomiya sang Pilipinas kun indi matapna ang pagsaka sang kaso sang balatian nga African Swine Fever sa mga baboy sa Pilipinas.
Ini ang ginpahayag ni Dr Charlemagne Calo, Koronadal City Veterenarian sa interbyu sang Bombo Radyo Koronadal.
Suno kay Calo, wala sang bulong agud nga matapna ang nasambit nga balatian rason nga ang ginatawag nga “culling” ang pinakanagakaigo nga solusyon.
Sa sini suno pa nga pamaagi, tanan nga mga lugar nga may yara sang napagkit nga kaso sang ASF, dapat nga ubuson nga patyon ukon “mercy killing” ang mga hinuptan nga baboy agud ini ang tigayon nga madula.
Pagpaklaro ni Calo nga sa tion nga matabo ini, dako nga pagkalugi sa bahin sang pagpababoy ang mabatyagan rason nga direkta man ini nga maka-apekto sa kabug-usan nga ekonomiya sang Pilipinas.
Ini bangud halos 4.2 Billion suno pa ang investment sang pungsod sa pagnegosyo sang baboy.
