Nagapreparar ang Kamara sang mga Representante para sa pormal nga turnover sang ginapropose nga 2026 National Expenditure Program (NEP) halin sa Department of Budget and Management (DBM).
Nagtipon ang mga opisyal sang Kamara kag DBM agud istoryahan ang mga detalye sang turnover, nga ginaplano ipatuman sa Agosto 13.
Ini base sa Konstitusyon nga naga-mando sa Presidente nga magsumiter sang badyet sulod sang 30 ka adlaw pagkatapos magbukas ang regular nga sesyon sang Kongreso.
Ginpunto ni House Secretary General Reginald Velasco ang importansya sang husto kag organisado nga turnover ceremony, nga ipalive sa social media sang Kamara kag DBM.
Magahiwat man sang press conference agud talakayon ang mga detalye sang ginapropose nga badyet para sa 2026.
